Balaga

*Balaga*

Irin sauye sauyen da ke faruwa a lokacin balaga,

suna faruwa ne yau da gobe a jikin kowane

matashi, yawancin lokuta daga shekara takwas,

kuma sun bambamta daga mutum zuwa mutum.

Balaga shine lokacin da yaro ko yarinya ke zama

cikakken mutum. A wannan lokacin, al’aurar su

na kara girma, kana jikinsu na zama a shirye

domin haihuwa. Yayin da mutum ke balaga,

jikinsa na sakewa nan da nan. Wannan na iya sa

wa mutum ya zama cike da damuwa ko kuma

zumudi. Wadannan sauye sauyen na iya sa wa ka

rika takama, kana murna; amma kuma suna iya

sa ka rikice, ko kuma ka rika jin kunya, da dai

sauransu. A wannan lokacin ne watakila abokai

da dangi, sa’anni da kuma sauran mutane zasu yi

kokarin shirya yadda ya kamata a yi rayuwa. Alal

misali, zasu so su tsara tabi’ar ka, da yadda ya

kamata kamannin ka su kasance, da kuma irin

mutanen da za ka yi cudanya da su. Dukan

wadannan, zabi ne mai mahimmanci da ya kamata

ka yi. Za ka iya yin haka ta hanyar yin

tattaunawa, da neman bayyani, da kuma a wasu

lokutan ka yi wa kan ka wasu tambayoyi masu

wuyar amsawa