Amfanin yawan jin jima'i ga lafiyar mata da maza(, ma'aurata)
Amfanin jima'i ga lafiya
A wani bayani da Pinacle wata cibiyar lafiya ce da samar da zaman lafiya wadda take magance matsalolin da suka shafi lafiyar tunani, halayya da kuma kwakwalwar dan adam.
A dangane da jawabinta, ba wai don a dadadawa jikin mace kawai ake jima'i ba, yana ma da amfani ga lafiyar kwakwalwarta.
"A matsayinmu na mata, akwai bukatar mu mayar da mazajenmu aminanmu idan har muna so mu zama masu lafiyayyen tunani.
"Bincike ya nuna cewar matayen da suke yawaita jima'i da wadanda suka jima da aure basu kai matayen da ba sa jima'i fadawa matsalar ciwon damuwa ba.
"Saboda haka, yin jima'i da yawa na da amfani da mahimmanci. Magani ne da ke magance wa mata ciwon kai mai naci.
"Yana da kyau a magance matsalar karancin sha'awa. Mace za ta iya samun kanta a cikin yanayin damuwa idan ta rasa karfin sha'awar da take da shi a baya.
"Lafiyayyen jima'i akai-akai zai iya taka rawa gurin samar wa mace nutsuwa da ingancin rayuwa," Kadiri ta fada.
Ta yi jawabin cewa ba wai don a haifi 'ya'ya kawai ake jima'i ba, inda ta kara da fadin yana kara shakuwa, soyayya da kuma lafiyayyen barci.
Kadiri ta shawarci matan da ke fama da ciwon damuwa da su yawaita saduwa da mazajensu tare da inganta soyayyarsu.
"Sinadarin farin cikin zai sanya su rage teba sannan kuma su sami barci mai dadi.
"Inzali a lokacin jima'i yana sanyawa jiki ya samar da "endorphins" wanda sinadari ne na farin ciki da kwakwalwa take fitarwa, inda yake kawar da damuwa da radadi," inji ta.
Ta kara da fadar cewa jima'i ba ga maza kawai yake da amfani ba, su ma mata yana da mahimmanci gare su saboda yana iya ƙkawar masu da damuwa.
SHARE & LIKE 🔔